1、我退出你的生活，從此唔再打擾，既然你唔珍惜，我又何苦多情啦！當我發現你嘅身邊并唔缺我嘅時候，我依然都係咁鐘意你。只系以後我都唔會打攪你啦！
2、你唔認同我冇所謂㗎，我袋仔冇錢嘅時候，你話我系世界第一都冇用啊！呢啲唔實質㗎。我袋仔有足夠銀紙嘅時候，你笑我系傻仔我都陪你一齊笑啦，我做下老襯有乜傷肝啫，對我又冇輸蝕嘅系咪。
3、如果可以嘅話，我想重新認識你。就從知道你叫咩名開始，然後喺之後嘅故事裡面，我絕對絕對唔會愛上你。
4、如果有人喺背後講你嘅壞話，你唔使嬲嘅亦都唔使去打聽。佢肯定撈得冇你咁好，先得閒講你壞話嘅啫。但凡佢撈得好過你佢都懶得理你，連睇多你一眼佢都覺得多餘。優秀嘅人只要為自己嘅事業而奮鬥，而嗰啲不完美嘅人，先會做嗰啲損人唔利己嘅無聊事，你話系唔系。
5、當人哋唔需要你嘅時候，要學識收返你嘅熱情，並且禮貌噉退場。你可以哩系被兜裡面喊，亦都可以飲酒飲到嘔，但係你唔可以攞起手機發唔該發嘅信息，打唔該打嘅電話。要明白你得唔到嘅要適可而止，及時止損先系成熟嘅表現。一道唔願意開嘅門你搏命噉樣敲，就係你冇禮貌啦！
6、落井下石嘅都係自己人，見唔得你好嘅都係身邊人。瘦田就冇人耕，耕開就有人爭，嫌你窮就怕你富，恨你有就笑你冇。呢啲唔系雞湯，呢啲系現實。
